Shillong: U myntri rangbah ka jylla u Conrad K. Sangma mynta ka sngi ula hiar sha shnong Thangsning kaba hap ha Mawkynew Block ban iakynduh ia ki paidbah.
Ha kane ka jingiakynduh ia ki paidbah, u myntri rangbah ula iasyllok halor ka jingpyntreikam ia ka skhim bapher bapher bad kiwei ki jingdonkam ka thain naduh ka pule puthi, ka rep ka riang, ka umbam umdih, bad kiwei kiwei.
Hadien ba la sngap ia ka sur na ki paidbah, u myntri rangbah ula pynbna ban ai ₹13.35 klur ban shna ia ka jingkieng Jongksha–Thynroit, nalor ban shna ia ka madan phlang plastic kaba don hajan ka Indoor Stadium ha Mawkynrew.
Ula pynbna ban buh sa 1,700 tylli ki Mini Anganwadi Centre ha ka jylla ha kine ki ar snem ban wan. Ula pynbna ruh ₹60 lak ban pynbha ia ki 20 tylli ki Anganwadi Centre.
Mar ia hiar ha Thangsning, ai u Conrad T. 13 klur tam ia ka Mawkynrew
