Shillong: Na ka suhsat ka jingim na ka jingbym lah die ha iew madan hapoh MUDA ha Khynai Lad, kawei ka longkmie kam banse ban mih noh ban wan khrong hapdeng surok ha Khyndai Lad.
Kane ka longkmie kam lah shah shuh ban shu shong die jingdie khlem mih namar ba ka hap ban siew ia ka ram ka shah, ban pyndap ruh ia ka jingdonkam ha ïing ha sem bad ka la rai ban shu khrong noh katba ai ei ki briew khnang ba kan lah ban pyndap ia ki jingdonkam khamtam ban siew ia ka ram ka shah kaba la shim ban die ia ki mar.
Kane ka longkmie la tip kum ka kong Cinthia Kharbudnah ka la don saw ngut khun bad ka hap ban bsa ban pyndap ia ka jingdonkam haduh ba kam banse ban mih ban shu khrong kampher lada shah kren ruh ha ki briew haba ka dawa ka kpoh. Kala shong khrong ha katei ka jaka la kumba 6 sngi.
Haba iakren mynta ka sngi, ka la iathuh ba ka ioh kamai kumba T.400 ne T. 500 eiei shi sngi katba hapoh iew madan ha MUDA, tang 50 tyngka ruh ym lah die shi sngi.
Na kane kaba ka ioh, ka siew kumba T.500 sha u malik ba ka shim slipar ban die. Ka shong khrong ryngkat ka jingthoh ba la buh naduh 1 baje janmiet haduh 9baje da miet bad ka la ong ba kan bteng beit ia kane jingshong khrong.
6 sngi khrong ka longkmie hapdeng 9lad| Hapoh MUDA die 50 tyngka, T.400 mih haba shu khrong
