Shillong: Ka lympung “Ki Dienjat ka Dympep” ka la rakhe ïa ka Swachh Utsav da ka shnong Dympep, ryngkat bad ka NEEPCO ha ka 2 tarik u Risaw 2025 ha jingkieng khongwieng ne jingkieng Mawkdok.
La wan ban pynshongkun da ki riewpawkhmat kum u Bah Gavin Mylliem, MLA kum u Kongsan bad ka Padmashree Patricia Mukhim kum ka Kongsan ba kyrpang.
Ki bynta ba kongsan ki kynthup ia ka Clay Art Space kaba la ai jinghikai shaphang ka rukom pynwandur ia u dew byrtha, ki jingialehkai tynrai bad ki Workshop ba iadei bad ka shet ka tiew bad ka oh dur, oh shrong bad ka jingrwai na ki khynnah Dympep LP bad UP School.
Ka jingïalang ka la kut da ka jingrwai da u Lou Majaw.
Ha kane ka sngi, u heh ka NEEPCO ruh ula iashim bynta ha ka rong biria da kaba iasum khnam kaba dei kawei ka jingialehkai rong biria u Khasi kaba dang im bha ha katei ka thain.
Iasum khnam u heh ka NEEPCO ha Dympep
