Shillong: U myntri ka tnad pule puthi ka jylla u bah Lahkmen Rymbui ula pynpaw ia ka jingsngew kmen ia ka jingai ka sorkar India ka surok na Shillong-Pynursla sha Dawki ba kan wanrah ia ka ioh ka kot jong ki paidbah bad kumjuh kan pynsuk ia ka khaïi ka pateng hapdeng ka India bad ka Bangladesh.
Haba kren mynta ka sngi, u bah Lahkmen ula ong ba ha kine ki khyndiat bnai, ka la don ka jingtwa, ka jingjia ba sngewsih na ka jingtih ia ka surok bad na ka liang ka bor sorkar kum ka SDO, DC kila peitngor bha da kaba pynjari ia ka iaid ka ieng ki kali khnang ban lait na kano kano ka jingjia khamtam ha ka por ba slap na ka jingtih ia ka surok ka dang iaid.
U la ong ba ynda la kut kane ka aiom slap, ka kompeni kaba ioh ban tih ia ka surok kan pynsted ban pyndep ia ka jingtrei khnang ban lait na ka jingma jong ki nongleit nongwan.
Ka surok Shillong-Dawki kan pynsuk ia ka khaïi pateng ka India bad Bangladesh: Lahkmen
