Shillong: Hynnin ka miet 2 tarik Risaw 2025, kawei ka kali Maruti 800 ka la lko katba ki briew ki lait im noh hadien ba ka la shah syngngeit da ki maw kiba hap najrong katba kane ka kali ka dang iaid.
Kane ka la jia ha ka jaka kaba dang twa hajan ka shnong Pomlum ha ka surok Shillong-Pynursla-Dawki.
Katkum ka jingtip, kane ka kali ka dang hiar ha ka por janmiet hynrei ynda la poi ha katei ka jaka kaba dang tih surok ka kompeni, la wan hap kynsan ki maw brum rum rum bad la dei synngeit dum dam ia kane kali haduh ba ka la julor jur. Hynrei donbok ba ha kane ka jingjia, ki briew kila ioh lad ban mih noh bran bran ban lait thaw na ka jingjia ba sngewsih.
Lah ban kdew ba ka SDO Pynursla ka la pynmih ka jingpynbna hynnin ka sngi ba la khang iaid kali shwa baroh shimet narum Laitlyngkot shaduh Lyngkyrdem na ka jingsyier ka jinglong jingman na jinghap u slap khamtam ha katei ka jaka kaba dang jur bha ka jingtuid ka khyndew.
Ka jinglong jingman ha katei ka jaka, ka dang syier bha bad kam long ban shngain ban leit ban wan ha ka por ba slap lei.
Wiak lait thaw ki briew, julor ka kali ba hap u maw ha surok Pynursla
