Shillong: Ha ka jingkren jong u mynta ka janmiet, 21 tarik Nailur 2025, u Prime Minister u Narendra Modi ula pynshai ba ka khajna thymmai ka Goods and Services Tax (GST) kan kyrsoi ia ka ioh ka kot jong ka India khamtam kiba duna ka ioh ka kot.
U Modi u la ong ba ka GST thymmai kan treikam naduh ka 22 tarik Nailur 2025, kata naduh shibit ka shiteng miet. Kane ka jingwanrah thymmai ia ka jingoh khajna kan plie ruh ia ki lad ki kabu thymmai, ki longïing kiba kham bit ka ioh ka kot, kiba duna ka ioh ka kot, kan plie ia ki jingmyntoi ia ki samla bad kan pynkhih pynkrih ia ka ioh ka kot ha ka ri.
Ki mar kiban tad noh mynta kin long ki tiar dawai dashin kiba la pynhiar ia ka khajna na ka 12 percent sha ka 5 percent katba ia ki dawai ia ki jingpang ba kham shyrkhei la pyllait ia ka khajna.
Ki marbam kum ka ghee, paneer, makhon, ketchup, ka jam, ki soh tyrkhong, coffee bad ice cream kin hiar dor.
Ka dewbilat kan hiar ka khajna na ka 28 sha ka 18 percent, ka khajna ia ki kali la pynhiar na ka 28 sha ka 18 percent. Ki air conditioner, ki mashin saitjain kin hiar dor.
Ka khajna ia ki jingshut bniah, ki sabon, ki shampoo, kin hiar na 18 lane 12 sha ka 5 percent, ka um dih kan hiar na ka 18 sha ka 5 percent nalor kiwei.
Katba ki kali rem dor kiba la palat 1200 shaneng ka khajna kan long 40% percent bad ki jingdih ba sniew kum u sikret ka khajna kan neh 28% shaneng.
Kumba 99% ki mar kiba hap ha khajna kaba 12% kin hiar sha ka 5% bad kumba 90% ki mar kiba hap ha ka khajna kaba 28% kin hiar sha ka 18% percent.
Pynthymmai ka sorkar ia ka GTS, kham tad dor ki kali, dawai, jingbam
