Shillong: Kawei ka longïing kaba don ha 17Mer, Phamalang, Byrnihat, Ri-Bhoi kala shlei um la ar sien ha ka shi bnai tang namar ba la shah khang ka nala na ka jingtrei jong uwei u kontraktor.
Ka dieng thang ruh kaba don shi trok fourwheel ka la shah rah ha ka um bad tap khyndew. Ka jingjia kaba kham jur ka la dei, la ar sien hynrei man ka por ka don tangba kam da jur bad hynnin ka sngi ka 20 tarik Nailur 2025, ka jingtuid ka um bad khyndew ka la jubor bha.
Kane ka ïing ka dei jong ka kong Hershai Tynsong kaba la shah ktah jur na ka jingjulor ki mar ki mata bad ki kot ki sla ba donkam. Ki khiew ki pliang, ki jain ki nep ki shah tap ktieh lut. La iathuh ba ka phyllaw ïing ruh ka la kylla pung dohkha. Ki kwai ruh ki tympew ruh kila shah pynjot ha kane ka jingjia.
Mynshwa ruh ha u bnai ba la dep, kane ka ïing ka la mad ia kajuh ka jingeh na ka jingwan tuid ka ktieh bad ka um saw na ka jingset ka nala na ka jingpyntrei ia ka jingthew kali ne weighbridge hajan katei ka ïing.
U trai ïing ula iathuh ba wat ban thiah ban dem kila sngew syier khamtam ha ka por mynmiet, ioh kan wan tuid ka twa. Kila kyrpad ia ka shnong bad kiba bor ba dei peit ba kin peit lem ia kane ka jingeh jong ki.
Shah tap um ka ïing ha 17mer, shi trok Four wheel shah rah ka dieng thang
