Shillong: Ka jingïapyni bor hapdeng ki nongñiah kali tourist ka Meghalaya bad Assam ka la ktah jur ia ki paidbah ba leit ba wan.
Mynta ka sngi, 18 tarik Nailur 2025 da ki spah ngut ki nongleit nongwan na baroh ar tylli ki Jylla ki la sahkut ha Khanapara bad ka daw ka dei namar ba ki nongñiah kali na Assam kim shah ïa ki kali tourist ban rung sha Assam kum ka bniat namar ka bniat ia ka jingbym shah ki nongniah kali kamai na Meghalaya ia ki kali kamai na Assam.
Ki briew na Meghalaya kiba mut ban leit sha ki shong liengsuin, shong rel bad ki briew na Assam kiba mut ban wan shangkai shapoh ka Jylla Meghalaya kila shah bat ha Khanapara.
Ka Synjuk ki nongñiah kali tourist jong ka Jylla Meghalaya hapoh ka shatri jong ka All Khasi Meghalaya Tourist Taxi Association (AKMTTA) ha ka 16 tarik Nailur 2025 ka la bat ïa ki kali tourist nabar ka Jylla ban ym shah ban leit sha ki jaka jngohkai pyrthei lait noh tang ha ki hotel bad ka la sam ruh da ki kot lyngkdop ban pynsngewthuh halor ki mat jingdawa jong ki.
Kum ka jingpynphai kylla ia kane, ka seng na Assam ka MOTOR PARIVAN SEWAKARMI SANMILITA MANCHA, ASSAM ka la pynbna da ka Total Non-cooperation naduh ka por 5 baje mynstep ka 18 tarik Nailur 2025 bad maham ba ki kali kamai na Meghalaya ruh kin mad kajuh ka jingeh.
Ym shah rung ia ki kali Meghalaya sha Assam | sahkut ki paidbah ha Khanapara
