Shillong: Ha ka jingbatei tnad u myntri rangbah ka jylla, u Conrad K Sangma, ula bat hi ialade ia ka tnad pla tyngka bad kiwei ki bym ai sha kiwei ki myntri.
Katkum ka jingpynbna kaba la pynmih ka sorkar, u bah Metbah Lyngdoh na ka UDP ula ioh ia ka tnad bording, Water Resources, Textiles, bad ka Taxation katba u bah Lahkmen Rymbui ula ioh biang ia ka tnad Education, Disaster, Public Relation, bad tnad kam ain.
U Brening A Sangma u la ioh ia ka tnad Excise bad Border Area Development, Civil Defence and Homeguard katba u Timothy D Shira ula ioh ia ka tnad Tourism, Fishery bad Agriculture.
U bah Wailadmiki Shylla ula ioh ia ka tnad Sports & Youth Affairs Department nalor ka Health and Family Welfare Department bad Home Passport.
U bah Sotheness Sohtun ula ioh ia ka tnad Community & Rural Development, Secretariat Administration, bad General Administration Department.
U bah Sanbor Shullai ula ioh ia ka tnad Animal Husbandry and Veterinary, Arts and Culture, Printing and Stationery bad ka Legal Metrology, katba u bah Methodius Dkhar ula ioh ia ka tnad Food and Civil Supplies.
Katba kiwei ki myntri kynthup ki Symbud Myntri Rangbah bah Prestone Tynsong, bah Sniawbhalang Dhar, u Marcuise N Marak kin bat hi ia kijuh ki tnad ba ki la ju bat naduh mynshwa.
Pynmeh ding u bah Metbah, pule kot bah Lahkmen, peit nongwankai u Timothy, peit nongpang u bah Wailadmiki
