Shillong: Ka Sub-Divisional Officer (SDO) ka Pynursla Civil Sub Division ka la pynjlan biang ia ka jingpynjari iaid kali katkum ka por naduh Laitlyngkot sha Lyngkyrdem kynthup myn sngi bad mynmiet.
Ha ka jingpynbna mynta ka sngi, 15 tarik Nailur 2025, ka SDO kala bteng biang ban khang iaid kali naduh 11:30 am haduh 4Pm bad naduh 9pm haduh 4am man ka sngi. Kane ka jingpynjari pyrkhing iaid kali, kan long haduh 30 tarik mynta u Nailur 2025 bad hadien kane kan sa pynmih pat da kawei ka jingpynbna.
surok PynurslaKala kyntu ia ki nongleit nongwan ban phikir haba iaid sha katei ka surok khamtam ha ka por slap bad hadien ba rang u slap. Na ka bynta ki kali kit nongpang kin hap ban pyntip ha u number 6909217154 lada ki iaid ha ka por ba khang surok.
Ym pat shngain ban leh shlur sha surok Pynursla
