Shillong: Hapdeng ka jingther u slap, ka jingleh burom khadduh ia u myntri rangbah barim ka jylla u Dr. Donwa Dethwelson Lapang la pyndep ha madan Student, Jaiaw Shillong mynta ka sngi, 15 tarik Nailur 2025.
U Dr. DD Lapang uba khot ieid kum u Maheh, ula khlad noh ha ka 12 tarik Nailur 2025 ha Bethany Hospital, Shillong ha ka rta ba 96 snem.
U Maheh Lapang ula jop 8 sien kum u MLA ka Nongpoh bad ula long u myntri rangbah ka jylla Meghalaya la bunsien. La kha ia u ha u snem 1929 bad na ka kam bylla sngi na ka longïing kaba duk, ula trei shitom ban leit skul LP skul ha Umsning bad ula pass ia ka Matric na Government Boy, Shillong bad pyndep ia ka degree na St. Anthony College, Shillong haduh ba un poi shaduh ka kyrdan kum u myntri rangbah ka jylla. Ha u snem 1958 ula iapoi kha bad ka kong Amethyst Blah.
U la jop MLA ha u snem 1972 ter ter bad ula shah rem noh shisien ha u snem 1993 hynrei ula jop biang ha 1998 haduh ba un shongthait ha u snem 2018. U la ong kum u myntri rangbah ka jylla ha u snem 1992 bad u la pynkha ia ka Ri Bhoi District ha une u snem. Ka Them Bhoi ka ju khot ieid ia u kum u kpa ka Ri Bhoi. U la long ruh u nongialam liangpyrshah.
Kum u Khristan ula dei u nongialap uba tbit bha ha kaba ula ioh ruh ia ka kyrdan doctor of Divinity ha u 2004 bad kum u politician u dei u nongkren uba tbit bha.
Hapdeng ka jingther u slap, leh burom khadduh ka jylla ia u Myntri Rangbah barim
