Shillong: Ia ka met I khunlung ba dang 4 snem la lap hynne ka step ka lah sngi u Blei, ka 15 tarik Nailur 2025 najan ka ïing sah jong ki hi. Ine I khunlung iba kyrteng kum Insaphira Lyngdoh Mawnai I la jah klep hynnin ka sngi ha Nongrah Brei, Shillong.
Ia ka met ine I khunlung la lap da ki nongbylla jong kawei ka ïing kaba dang shna ha Nongrah Brei hi.
Katkum ka jingtip, la iathuh ba ka katei ka ïing kaba dang shna, ka jngai tang malu mala na ka ïingsah i khunlung ha kaba la dep ban wad ruh hynnin ka sngi, hynrei ym shym la shem satia. La suba jur ba ia itei i khunlung ki lah ban shah pynïap sha kawei ka jaka bad la shu wan leit bret ha katei ka ïing ba dang shna.
Na ka liang ki pulit forensic bad crime scene unit ki la poi sha katei ka jaka ban pynlong ka jingbishar bniah.
La lap ïa itei i heprit ha kawei ka jaka ba lang um bad la teh bad ban da u maw.
Ka jingjia par ñiangkhriat ha Nongrah, Shillong
