Shillong: Ar tylli ki muid kiba la iap, la lap ki riew paidbah ha surok thain Mawlyndun-Shiliangjashar-Nohwet-Mawlynnong jong ka thain Pynursla kaban mih shaduh khappud.
Ia kine ki muid la lap ha kane ka sngi Palei bad la suba jur ba la bret ki briew kiba thmu ban pyniaid beain sha Bangladesh hynrei la bret noh ha katei hadien ba kila iap noh. Kine ki muid ki don ruh ki jingpyndeng shkor bad ki number.
Katkum ka jingtip ba la ioh, la bret ia kine ha karud surok ha kawei ka jaka kaba khot ka Dopjarait jong katei ka surok.
Ka jingbret ia ki met iap jong kine ki mrad kan buh jingma ia ki briew namar ba ynda kila pyut kan wanrah ka jingsma wat ki jingpang ruh.
Lap 2 tylli muid ba la iap ha surok, suba ba thmu pyniaid sha Bangladesh
