Shillong: U Superintendent of Police ka East Khasi Hills, u bah Vivek Syiem ula ong ba u briew uba pynpait ia ki jingkhang ïit ka ïing mane jong ka Presbyterian ha Pomlahier hajan ka Mawryngkneng, u dei uba ktah khlieh.
Ha kyrwoh mynta ka sngi, u SP ula ong ba ia une u briew uba kyrteng kum u Balajied Kharsati, 47 snem, la ioh kem ki pulit na khlaw ha ka 12 tarik Nailur 2025, hadien ba ula phet rieh na ka jingtieng na ki pulit, hadien ba la shah thwet halor kane ka jingleh jongu.
Ia une u briew la leit buh noh sha NIMHANS ban ioh ia ka jingsumar.
Ki nongpyniaid ka Balang Presbyterian Pomlahiar ha ka 16 tarik Nailar 2025, kila ujor ejahar ha Mawryngkneng Police Station hadien ba ki jingkhang ïit bad ki shuki ka ïingmane kila shah pynpait haka step 15 tarik Nailar 2025.
Ha ka 11 tarik Nailur 2025, une u briew ula leh biang kumjuh bad ki pulit kila leit ban kem ia u hynrei ula phet rieh sha khlaw kaba don ka shnong bad dei ha ka 12 tarik kata ha ka sngi kaba bud, ba kila ioh kem ia u bad la rah sha Mawryngkneng CHC hynrei nangtei la pynkit noh sha NIMHANS hadien ba u dei uba ktah khlieh, la ong u SP.
Pynpait ïit ka ïing mane ha Pomlahier, uba ktah khlieh: SP
