Shillong: U Myntri Rangbah barim ka jylla u Dr. DD Lapang ula khlad noh mynta ka sngi hadien ka jingshitom kaba la ban katto katne por. U la khlad ha jaka sumar, ka Bethany Hospital, Shillong. U Dr. DD Lapang ula dap 94 snem ka rta.
U Dr. DD Lapang ula mihkhmat ia ka Nongpoh konstitwensi naduh u snem 1972 bad ula shah rem noh ha u 1993 hynrei ula jop biang haduh ba un shong thait na ka politik ha u 2018.
Ula ieh shadien ia I kurim kong Amethyst Lynda Jomes Blah bad kiba haiing.
Ula long Myntri Rangbah ha u snem 1992 haduh u 1993 bad u la long biang ha 2003 bad nangta ula shimti biang kum u Myntri Rangbah ha 2008 hynrei ka sorkar ka khyllem noh. U la long u Myntri Rangbah ha ka sien kaba san ha ka 2009 hynrei ula risain noh ha 2010. Baroh ha kine ki snem, u la don ha ka Indian National Congress shwa ba un mih noh sha ka NPP haduh ba kane ka sngi.
Kane ka jingkhlad jong u, ka dei ka jingduh ba khraw ia ka jylla kum uwei na ki riew sain pyrthei ba satar bha.
Khlad noh u Dr. DD Lapang, uba long u myntri rangbah barim
