Shillong: U nongialam ka liangpyrshah u Dr. Mukul Sangma ula kawang tyngeh ia ka sorkar MDA kaba la pynkylla ia ka Tura Medical College sha ka Private Medical College.
Ha ka jingshisha, ia kane ka college la rai ka sorkar mynshwa ha ka por ba long myntri rangbah ma u, ban dei ka Tura Government Medical College hynrei hadien ba la wan ka sorkar MDA kaba ialam u Conrad, ka la pynkylla noh sha ka Private Medical College katba ia ka Shillong Medical College la pynkylla sha ka Government Medical College kaba la rai mynshwa ban long ka Private Medical College.
U Dr. Mukul ula maham ia ka sorkar ba lada kam pynneh ia ka rai kaba mynshwa ban pyllong ia ka Tura Government Medical College, kan wanrah ka jingpyrshah kaba jur na ki paidbah ka rilum Garo.
Halor ki jingeh ba la pynpaw ka sorkar khamtam ha kaba iadei bad ka jingsiew tulop, u Dr. Mukul ula ong ba haba ka kam ka eh, ka bor ruh ka nang eh. Ula maham ba da kaba pynsyriem ba lada ka sorkar ka shim noh ia kaba la ai, kan wanrah ka jingsngewsih ia ki paidbah bad u la bynrap lada knieh ia ka jingialehkai na u khunlung, un sa iam.
La bynrap lang ruh ki MLA kynthup u Rupa Marak, ka Miania Shira halor kane ka mat kaba la wanrah u Dr. Mukul uba la kyntu ia ka sorkar ba kan phaidien biang ia ka rai.
Maham u Dr. Mukul lada pyneh ka sorkar ban aiti sha kynhun shimet ia ka Tura Medical College
