Shillong: Ka cabinet ka sorkar jylla mynta ka sngi ka la pynbynta thymmai ia ki jait kyiad phareng IMFL ne Indian Made Foreign Liquor bapher bapher khnang ban pynkiew ia ka jingioh lum khajna.
Haba pyntip ia kane, u myntri rangbah ka jylla u Conrad K Sangma ula ong ba kane ka sienjam ba ka sorkar ka la shim ka long ban pynmih khajna shuh sa kumba 90 klur ha ka hi snem.
Kane ka kynthup ia ka kyrdan kyllum, ka pynthymmai ia ka khajna ia ka beer, pynkylla ia ka rule 44 (12), 371 (1b), 273, 274 bad ka jingpynrung ia ka rule thymmai ka 71 (a), ia ka 41 (a) jong ka Meghalaya Excise Rules 2025.
Ia kane la leh ban pynthymmai ka dor khnang ban iakop bad kiwei ki jylla ha kaba iadei bad ka kyiad.
Sa T. 90 klur yn ioh khajna ka sorkar ba pynkylla bad weng ia ka Excise Rule
