Shillong: Ka cabinet kaba long mynta ka step 8 tarik Nailur 2025, kala rai ban pule bniah shwa ia ka kaiphod jong ka Expert Committee on State Reservation Policy kaba iadei halor ka bhah thungkam ka jylla.
Ia kane ka kaiphod la aiti da ka Expert Committee ha u bnai Jylliew ba la dep bad ka jingialang ka cabinet mynta ka sngi, kala rai ban pule bniah shwa namar ba ka dei ka kaiphod kaba jrong bad kab rben bha kaban shim por ban pule namar ba ki don ki jingai jingmut kiba thymmai bad ki don kiba rim ruh.
U bah Paul Lyngdoh uba dei u nongaiktien ka sorkar, ula iathuh ba ka cabinet kan sa iathir kiei kiba donkam ban leh bad kiei ki bym dei ban pdiang hadien ba la pule bniah ia kane ka kaiphod.
Ha kajuh ka por, ka cabinet ka la mynjur ruh ia ki bill ne ainrew kiba kynthup ia ka Meghalaya Amendment Heritage Act 2012, Meghalaya Goods and Services Act 2017, Meghalaya Private Colleges Promotion and Regulation Bill 2025 nalor kiwei.
Shi khung ai jingmut ka Expert Committee halor bhah thungkam
