SHILLONG 14, Jymmang: Ka Congress kala ioh mynsiem biang mynta hadien ba kala pynliem suk ia ka BJP ha ka elekshon ha Karnataka. Ha ka jingpynbna ia ka result elekshon ha ka sngi Saitjain, ka Congress kala jop kput 135 katba ka BJP ka jop tang 66 bad ka JDS ka jop 19 bad kiwei 4 ha ka ïing dorbar kaba 224 ngut.
Kane ka jingjop ka Congress ha katei ka jylla ba shathie ka India, kala pynioh mynsiem ia ki nongialam bad ki nongkyrshan ka Congress ha kane ka jylla hadien ba ka party kala shah sar plain ha kiba bun ki jylla ha ka ri.
Ha Karnataka ka donkam 113 ngut ban synshar marwei bad kane kala biang pura ia ka Congress ban synshar marwei.