Shillong: Ha kawei ka jingjia, ki nongtuh kila pyndonkam da kawei ka buit ban pynngop ia ki nongthied hynrei ka pulom noh pynban.
Ar ngut ki dkhar la kynnoh ba kila wan tuh ia ki tiar kum ki nar jot na kawei ka jaka shna kali bad jaka die nar jot hynrei kaba sngew shaiong ia ka buit jongki, ka long ba ki tuh ha ka por mynmiet bad kila wan die biang pat ha kajuh ka jaka ha ka por mynsngi.
Kane ka la jia ha kawei ka jaka die nar jot bad shna kalai ha Laitkor.
Hynrei ki nongtrei kane ka jaka die tiar jot, kila lyngngoh ban iohi bad lap ba ki tiar ba la jah ba la shah tuh, la wan tyrwa die pynban kine ki dkhar.
Hadien ka jingtohkit bniah, ki nongtrei kane ka jaka shan kali bad die nar jot, kila lap ba dei pynban kine kiba la wan tuh bad wan die ruh ha kajuh ka por.
Hadien ba la ioh bat ia ki, kila ai jingsneng bad la aiti noh ia kine ki mentuh sha ki pulit ka Madanriting.
Tuh mynmiet, wan die myn sngi ha kajuh ka jaka ba tuh
