Shillong: Ka Khasi Students’ Union Laban Circle ha ryngkat ka jingiadon lang ka KSU Mawprem Circle ka la ioh ban pynphai ia 4 ngut ki khar Muslim kiba kynthup ïa 2 ngut ki khynnah ba rung beaiñ sha ka jylla.
Ïa kane ka longkmie Muslim na lap nyngkong na Laststop, Laban katba ka dang khrong pisa bad ka khun ka jong ka na ki dukan ha Laststop. Ynda la tohkit la tip ba ka dang shu wan dang 2 sngi sha Shillong bad kam shim don ka EPIC ne ka Voter ID ban pynshisha ïa ka trai shnong jong ka lait noh tang ka Aadhar card ba ioh na Uttar Pradesh.
Hadien kata na ka liang ka Seng ka la pyntip sha ka Laban PS bad ha thanad ka la phla ba ka sah ha Cantonment area ha Jhalupara bad mar kumta na ka liang ki pulit ka Laban ki lah phah noh ïa kane ka briew sha Jhalupara Outpost ha ryngkat ka jingsynran na ka liang ki dkhot ka Seng.
Ynda la ialam sha ka iing sah jong kane ka khar muslim ha Cantonment area ha Jhalupara la lap ba don sa u lok bad ka khun jong ka kiba sah beaiñ ha ka jaka Cantonment da kaba shna da ka iing tap shiliang khlem ioh jingbit nano nano.
Marmar kumta ka Seng ha ka jingsynran lang bad ki pulit ka Jhalupara Outpost ki la beh ïa kine ki khar muslim da kaba pynkit ïa ha ki kali ba kin leit phai noh sha ka shnong kaba ki wan.
Na ka liang ka Seng ka bynñiaw ba ka Anti-Infiltration Cell jong ki tnad pulit ki long kiba synjor haduh katta katta ba kum kine ki briew ki ioh rung suk bad sah beaiñ sha ka jylla bad ha kajuh ka por da phone ïa ka Anti-Infiltration Cell lada ioh bad ïa kine ki briew ba rung beaiñ kim ju lah ban poi namar um ju don briew ne bor pahara.
Na ka liang ka Seng ka dawa donkam ban pynkhlaiñ ïa ki tnad jong ka Anti-Infiltration Cell bad ka Sorkar ka dei ban shimkhia halor ka ishu influx lem kumta na ka liang ka Seng kam banse ban shim ïa ka aiñ ha la ka kti bad ïada ïa ka ri bad jaitbynriew na ka jingrung kyrthep ki bar jylla. Kane ka long ka kyrwoh na u samla Jason Laloo,
General Secretary KSU Laban Circle.
Pynphai ka KSU ia 4 ngut ki poiwir na Laban
