Shillong: Ka Kashari u District and Session Judge, Shillong ha ka sngi Thohdieng ula pynjlan ia ka hukum ban thep biang ia ka Sonam Raghuvanshi bad u aj Kushwaha, sa 14 sngi ha Judicial Custody. Kine ar ngut ki dei kiba la shah pynngat kum ki nongplan ban pyniap ia u Raja Raghuvanshi.
Ha ka hukum ha ka 31 tarik Naitung, ka Kashari ka la pynjlan ia ka judicial custody ia ki lai ngut kiwei pat kynthup ia u Akash Rajput, Anand Kurmi, bad u Vishal Chauhan. Ia ka jingshong bishar la pyllong da ka video conferencing.
Lah ban kdew ba ka Sonam Raghuvanshi ka lok jong u Raja Raghuvanshi ka la shah kynnoh kum kawei na kiba plan ban pyniap ia u Raja ha ka jingwan kaikurim jongki sha Sohra ha u Jymmang ba la dep. Ia ka met jong u Raja la lap na ka riat ha Weisawdong ha ka 2 tarik Jylliew hadien ba ula jah naduh ka 23 tarik Jymmang.
Halor kane ka jingshah pyniap u Raja, ki pulit kila kem ia ka lok jongu, ka Sonam, u samla jongka, u Raj Singh Kushwaha, nalor u Vishal Singh Chauhan, u Anand Kurmi bad u Akash Rajput. Kila kem ruh ia u trai ka flat u Lokendra Tomar, u James Siloi bad u nongap pahara ka flat.
Phah thep biangka Kashari ia ka Sonam bad u Raj ha Judicial Custody sa 14 sngi
