Shillong: Ka Ka Working President ka Meghalaya Pradesh Congress Committee (MPCC) ka Deborah Marak ka la kyntait ba ka jingtroin ka Congress ha Meghalaya ka dei na ka jingbym ler u President u bah Vincent H Pala.
Hynrei ha kajuh ka por, kala ong ba ka jinglong ki nongmihkhmat khamtam ki MLA kiba phet na ka seng namar ka jingkwah sbai rupa jongki.
Haba kren mynta ka sngi, ka Deborah ka la ong ba ka jinghiar ka jingkiew ka party, kam shong tang ha u President marwei hynrei ka dei ka beit tang ka jingkwah rhah ki MLA kiba phet na ka seng kaba la pynjop ia ki. Kum ka party ka la ong ba baroh ki don bynta lang ban kitkhlieh ia ka jinghiar ka jingkiew ka party.
Halor ka jingkylli ban khot biang ia u Dr. Mukul Sangma, ka Deborah ka la ong ba kam kwah ban kren eiei halor jong u. Ha kaba iadei bad u bah Charles Pyngrope, u bah George B Lyngdoh ba kin wan phai biang, ka Deborah ka la ong ba ka shu iohi na ki lad pathai khubor hynrei kam don jingtip eiei hynrei ka jingkhang ka Congress ka plie ia kino kino kiba kwah ban wan rung.
Kyntait ka Deborah bym ler u bah Pala, dei ki MLA kiba shu rhah tyngka
