Shillong: Uwei u nonghikai skul uba la tip kyrteng kum u Neroshor Timung ba 28 snem ba hikai ha kawei ka skul ha thain Jirang, ri-Bhoi district, ula shah tied jem ha ki pulit ka Assam haduh ba la jngem lut ka doh bad mynsaw jur na met bad bynta ki dur khmat.
Une u nonghikai skul u dei na ka shnong Garoamkabamreng, kaba don ha thain Jirang ha khappud ka Meghalaya bad ka Assam. La iathuh ba ula shah kem ha ki bor pahahara ka tnad khlaw ka Assam kiba la wan ban kem ia u ha ka shnong Umshalini ha ka por 2 baje eiei janmiet.
Katkum ka khubor, ki bor pahara khlaw ka Assam kim shym la pynshai ba ki wan kem ia u bad kila tan bak ia u sha Lukhla bad tied jem ia u haduh ban mynsaw jur. Haba ki briew kila pyrshang ban kylli, ki pulit kila ktah kti lang ia ki paidbah.
Halor kane, u MLA ka Jirang u bah Sosthenus Sohtun ula shim khia mardor hadien ba la tip ia kane ka jingjia bad ha ka por mynmiet la pyllait noh ia une u nonghikai.
U MLA ka Jirang ula pynpaw ia ka jingsngew khia halor kane ka jingleh hanga mei ki bor pahara na Assam namar ba kane kam dei ka sien kaba nyngkong hynrei la don teng ruh kiba la shah leh dusmon mynshwa ha ki pulit ka Assam. U la ong ba ki briew ka thain khappud ka Meghalaya, kim ju pynwit ia ki briew hynrei ki im suk im sain hynrei ka jingleh ki bor pahara khlaw ka Assam ban shu kem tang shu iaid ki briew ha lynti, ka bym lah ban pdiang da lei lei.
Shah bom jem u nonghikai na Meghalaya ha ki bor pahara khlaw ka Assam
