Shillong: Ka bor shnong Lumshatsngi New kenchs Trace kala phah weng noh ia u tower mobile uba la pynieng ha ka tnum kawei ka ïing hadien ba ka kynroh ka la twa na ka jingjem ka khyndew.
Mynta ka step kumba ha ka por 2 baje eiei, ka kynroh jong kawei ka ïing kaba dei trai u Atul Marak bam kwai ha duwar u Blei, uba dei ruh u MLA barim, ka la twa kynsan kynsan khrum rum rum na ka jingjem ka khyndew kaba la buh jingma ym tang ia kiba sah ha katei ka ïing hynrei ia ki para marjan ruh.
Namar kane ka jingjia, kiba sah ha katei ka iing kila iamih noh bad ia ka jaka sah shipor haduh ban dep shna ia ka kynroh, la ai sngewbha u MLA u bah Sanbor Shullai, katba ban tap ia ka khyndew kaba twa, ka shnong ka la ai sngewbha saw tylli ki turpar jri.
Ki briew ka SDRF kila mreh sha katei ka jaka ban ai ka jingiarap kaba kyrkieh hynrei ha kane ka jingjia, kam don kano kano ka jingmynsaw ne ka jingjulor lait noh tang ka jingtwa ka kynroh na ka jingjem ka khyndew. Ki majistor ryngkat ka shnong kila pyllong ka jingleit jurip ia kane ka jaka ryngkat u MLA.
U Rangbah Shnong ka Lumshatsngi New kenchs Trace u bah Wandonbok ula ong ba ka jingtwa ka kynroh ka lah ban dei na u slap bad na ka liang ka shnong kala phah weng noh ia u tower uba la pynieng ha tnum kane ka ïing.
Kumjuh u MLA u bah Sanbor ula ong ba ia u tower Mobile la rai ka shnong ban phah weng noh bad dei ban pynieng ha jaka ki shipai. Ula ong ba ka jingjia ka lah ban dei beit na u slap na ka bor jong ka mariang bad un ai jaka sah ei shipor tad haduh ban dep ban shna ia ka kynroh.
Ba shong syier ka ïing, phah weng noh ia u Tower Mobile na tnum ïing
