Shillong: 2 ngut kila mynsaw jur katba ar ngut ki phet krad hadien ba ka kali Ingis number ML 05 –W-7020 kala kylla khongpong haduh 4 sien eiei ha surokbah hajan Umsning. Kane ka la jia ha ka por 4:30pm eiei bad ka daw ka long namar ba u nongniah um lah tehlakam shuh na ka jingpynher sted haduh ba u la leit tynrah ia u divider ka surok.
Katkum ka khubor ba la ioh lum, la ong ba ki 4 ngut shi paralok ki la ia wan lang na katei ka Kali Ignis na Mawiong, Mawlai ban hiar sha Ri Bhoi, hynrei hadien ba la poi ha Umkaliar ka Umsning Bypass katei ka Kali ka la kylla ha ka surokbah na ka daw ka jingbym lah shuh u draibar ban tehlakam na ka jingpynher sted palat ia ka Kali.
La ong ruh na kitei ki 4 ngut, u draibar bad uwei pat ki la mynsaw jur bad 2 ngut pat hadien ba la kylla khongpong ha ka surokbah, ki la mih na katei ka kali bad pet noh ia lade na katei ka jingjia.
Ia kitei ki 2 ngut ba la mynsaw la rah noh sha CHC Umsning ban ioh ia ka jingsumar bad ka jingtohkit kaba bniah ka dang iaid shakhamt halor kane ka jingjia.
Mynsaw 2, phet krad 2 ba kylla khongpong ka Ingis ha Umsning Bypass
