Shillong: Ka samla kaba dang 24 snem ka rta, kaba pule ain ha South Calcutta Law College, la kynnoh ba ka la shah leh beijot bad shah ring video ha ki 3 ngut ha 25 tarik Jylliew ha ka por janmiet hapoh ka kamra ba ap u nongpahara.
Katkum ki pulit kiba leh ia kane kam pohjait ki dei u samla pule barim kane ka jaka pule uba la tip kyrteng kum u Monojit Mishra bad 2 ngut kiwei pat ki samla pule.
Katkum ka ejahar, kane ka samla ka la ong ba ka la shah ring video ha kine ki briew bad byrngem ban pynjah burom ia ka ruh ban pynsaphriang ia kane ka video.
La kem ia kine ki lai ngut bad la kurup ruh ia ki mobile phone jongki baroh, la ong ki pulit ka Kolkata.
Shah leh beijot bad ring video ka samla ha ki 3 ngut ha Kolkata
