Shillong: Ki MDC ka KHADC ki la pynpaw ia ka jingbym iahap halor ki jingdon ki Rangbah Shnong kiba bat kam nongialam jong ki seng sain pyrthei namar ba kane ka la ktah ia ka rukom pyniaid ia ka synshar khadar ha ki shnong.
Don lei ki rangbah shnong ki bym treh ban soi haba leit phah soi tang namar ba kita kiba kyrshan kim dei ki nongkyrshan ka seng sain pyrthei ba u Rangbah Shnong u kyrshan.
U MDC ka Jirang ula wanrah ia kane ka mat hapoh ka dorbar mang tyngka ka KHADC mynta.
Haba shim bynta ha kane ka jingiatai, u MDC ka Mawshynrut u bah Srally Rashir, u MDC ka Rambrai u bah Lurshai Kharbani bad u MDC ka Shella bah Barikupar Synrem kila pynpaw ba ka la donkam ia ka District Council ba kan leh eiei halor kane khnang ba ki nongkitkam shnong kim dei ban iadon bynta bad ki seng sain pyrthei hynrei ki dei ban long riew pdeng.
Don ki RS kiba bat nongialam ki seng sain pyrthei, kim treh soi ia ki bym kyrshan
