Shillong: U myntri ka tnad pule puthi ka jylla u Rakkam A Sangma u la ong ba ka jingtei ia ka College of Architecture and Urban Planning ha Tura ka la iaid shaid shaid.
Ia kane ka college la bei pisa ka sorkar India T. 26 klur katba kaba sah la sei ka sorkar jylla ha ka jingiasam kaba 90:10. Ka sorkar India ka la pyllait lut baroh T.23 klur.
Haba jubab ia kane ka jingkylli hapoh ka iing dorbar mynta ka sngi, u nongialam liangpyrshah u Dr. Mukul Sangma balei la pynslem ban pyndep ia kane ka kam haba ka pisa la dep pyllait lut ka sorkar India. Kane ka jingleh kan buh jingeh ia ki projek ban sa wan. Halor kane u Rakkam u la ong ba ka jingslem ban pyndep ka dei na ka jingeh kiba bun.
Halor kane, u myntri rangbah u Conrad K Sangma ula bynrap lang ban jubab ba ka jingslem ka dei namar ba jingmih u Covid, nangta ka jingshna surok bad ka jingdon ki hati khlaw bad kiwei. U la bynrap ba shen ka jinghikai kan sdang noh ha kane ka college.
Ki hati khlaw ruh ka dei ka daw ba slem ban tei ia ka College Urban Planning ha Tura: Conrad
