Shillong: U MLA ka Jowai u bah Wailadmiki Shylla ka NPP, u la pynphai nia kylla ia ka jingkynnoh u bah Ardent M Basaiawmoit ba ka elekshon MDC ha JHADC kam long kaba iaid beit iaid ryntih.
Haba shim bynta ha ka jingiathir halor ka jingkren u Lat ka jylla mynta ka sngi ha iing dorbar, u bah Wailadmiki ula ong ba ka long kaba sngewsih ba ka mih ka jingkynnoh na u nongialam ba la iaw bha ka iing dorbar ba ka elekshon MDC ha JHADC kam long kaba iaid beit iaid ryntih.
U Bah Wailadmiki ula kynthah da kaba ong ba ha jaka ba ki jop ki ong ba ka iaid beit katba ha ki jaka ba ki rem ki kynnoh ba kam iaid beit bad kane ka long kaba sngewsih ban ioh sngew na u nongialam paidbah.
U bah Wailadmiki ula ong ba ka bor district naduh ki pulit kila trei shitom ban pyllong ia ka elekshon kaba iaid beit iaid ryntih.
Haba ki jop, ki ong ka iaid beit ka elekshon, haba ki rem, ki ong kam iaid beit, pynphai nia u bah Wailad ia u bah Ardent
