Shillong: Shwa ban jubab ia ka jingkylli hapoh ka iing dorbar mynta ka sngi, u Myntri Rangbah ka jylla u Conrad K Sangma u la kynmaw burom ia u PA Sangma, kaba dei ka sngi khlad jong u mynta ka sngi.
Haba kynthoh lyngkot halor kane, u Conrad u la ong ba watla um don shuh ha kane ka pyrthei, hynrei un iai btin lynti na sha lyndet ban ialam ha ki pateng ban wan.
Ia kane u Conrad ula pynsngew shwa ban jubab ia ka jingkylli kaba la wanrah u MLA u Mizanur Kazi, uba la wanrah iaka jingkylli halor ka jingker kynroh na ka jingshah syllad ha ka wah Brahmaputra ha thain West Garo Hills.
Haba jubab halor kane ka jingkylli, u Conrad u la ong ba ia ka DPR ban tei ia ka dam ha Phulbari la pynkhreh ban khang lad ia ka jingkhawah ka wah Brahmuptra ha Phulbari bad kiwei ki wah khamtam ha ka por lyiur. Hynrei kam don ka jingbuh por ban pyndep tangba ka sorkar jylla kan shim khia ban pynstep ban pyndep kloi katba lah.
Kynmaw burom u Conrad ia ka sngi khlad u PA Sangma
