Shillong: U President ka VPP u bah Ardent M Basaiawmoit ula ong ba ka party kan sa bishar halor ka jingkren jong u MLA ka North Shillong u bah Adelbert Nongrum ia ka party. U la ong ba kumba ka paw wat ki paidbah ki shim ba ka jingleh u bah Adelbert ka long pyrshah ia ka party bad ka party kan sa pyrkhat kaei kaba dei ban leh.
Halor ka jingdawa ia ka artikil 371, u la ong ba u la dep wer ban iatainia bad la don ruh kiba la pynpaw ba ki kloi ban iatainia bad yn sa buh ia ka sngi bad ka por halor kane khnang ba ki paidbah kin shai.
Halor ka jingkylli hato lah ban don lang ka District Council bad ka artikil 371, u bah Ardent ula ong hato ki longshwa mynshwa ha ka por ba dawa ia ka jylla, ki tieng ban duh noh ia ka district council.
Ka party kan sa pyrkhat halor u bah Adelbert, ong bah Ardent
