Shillong: U MDC ka UDP na Sohra u bah Titosstarwell Chyne ula ong ba ka jingmut dur jong ki paidbah ka bun hynrei kim lon gkumta bad hap ban pdiang ia ka jingshisha.
Haba kren mynta ka sngi hadien ba la dep bam smai kum u MDC, u bah Titos ula ong ba ha ka politik ym ju don u dak sangeh ne full stop hynrei don tang u koma bad ym lah ban tip kaei kaban jia lashai.
U la ong ba ka UDP kaba don 5 ngut ki MDC ka iatylli beit mlon katba kiwei kila thaw ia la kajong ka kynhun bad ia mynta ym pat lah ban ong eiei hynrei yn sa ia peit ha kine ki sngi.
Ia ka kam nongialam liangpyrshah u la ong ba yn sa iakren hadien ba la dep jied ia u chairman bad u CEM.
Kawei kaba ula pynpaw ba ka don kawei ka Bill ka Inheritance Property Bill kaba sahteng hapoh ka iing dorbar jong ka samoi kaba la dep, bad yn sa iakren ia kane ka mat kaba kongsan ha kane ka dorbar.
Ki jingmut dur ki bun hynrei kim long, hap pdiang ia ka jingshisha: TW Chyne
