Shillong: U Myntri rangbah ka jylla u Conrad K Sangma ula kam ba ka kam District Council ha Khasi-Jaintia Hills kam ym ktah sha Garo Hills. Hynrei u la ong ba ym lah pat ban khein sting ia kaba la jia sha kane ka Khasi-Jaintia.
Haba kren mynta ka sngi, u Conrad ula ong ba ka NPP ka la ialam ia ka District Council ha Khasi-Jaintia la shiphew snem bad ka don bun ki jingtyngjuh hapdeng kine ki snem. U la ong ba ki kam ka district Council ha Garo Hills ka iapher bad ki kam ki district council ha Khasi-Jaintia Hills.
U la ong ba mano mano ba don ha ka bor synshar ka kamram ka long ban trei ia u paidbah. U la ong ba ka sorkar kan iatreilang shisien ba la kut ka elekshon. U la ong ba ka NPP ka pdiang ia ka rai jong u paidbah watla ka la khmih lynti ban leh khambha ha ka elekshon MDC hynrei ka jingioh vote ha kane ka elekshon MDC ka la kham heh ban ianujor bad ka elekshon MP kaba la dep.
Ha kajuh ka por, u la ong ba ka party kan ym khein sting hynrei kan trei borbah ban leit sha u paidbah ban pynkhlain nangne shakhmat.
Ngim khein sting tangba ka kam District Council ha Khasi Hills kam ktah sha Garo: Conrad
