Shillong: U myntri khynnah ka tnad pule puthi ka ri u Sukanta Majumdar mynta ka sngi, ula wan jurip bad peit ia ki kam kiba la pyntrei ha kaba iadei bad ka jingtei ha kane ka jylla, kiba la bei pisa na ka sorkar pdeng khamtam lyngba ka tnad DoNER.
Ki don 10 tylli ki jingtei kiba la sahteng bad ka jylla ka dang trei borbah ban pyndep kloi ia kine. Haba kren sha ki lad pathai khubor, u myntri u la ong ba kane ka jingwan jurip ka long shi bynta na ka prokram ba la pynkhreh ka sorkar India hapoh ka jingialam u myntri rangbahduh ka ri u Narendra Modi.
U la ong ba ka India ka la buh thong ban pyllong ia ka India kaba la roi kaba la biang nadong shadong ha u snem 2047 ne Vikshit India, ka snem ba ka ri India kan dap 100 snem ka jingioh ia ka jinglaitluid.
U myntri u la ong ba ki don ki projek kiba sahteng ki don kiba dang lah ban pyntrei bad don ki bym lah ban pyniaid shakhmat.
Wan peit kam pynroi tnad pule u myntri sorkar India ha Meghalaya
