Shillong: U Bah Pynïaid Sing Syiem CEM barim jong ka KHADC bad MDC barim ka Sohryngkham u la pynpaw ka jingsngew nguh ïa ki paidbah nongkyrshan jong ka Nongthymmai Constituency kiba la ai ka jingshahnniah watla u khlem poi sha ka thong jong ka jingjop ha kane ka elekshon MDC ba dang shu dep shen.
U Bah Pynïaid Sing Syiem haba ai jingkren sha ki paidbah nongkyrshan ha ka ïing sah kaba don ha Pohkseh u la ong ba watla ha ka por ba lyngkot tang ar bnai eiei ki rai ban ïakhun na Nongthymmai hynrei ki paidbah ki ai ka jingshahnniah watla ki khlem poi sha ka thong. U la ai khublei ruh ïa u kyrtong ka VPP uba la jop bad pdiang ruh ïa kane ka jingshah rem.
Ngam don eiei ban siew kylliang hynrei tang ka jingieid bad jingburom: Pynïaid
