Shillong: Ka seng sain pyrthei thymmai ka Voice of the People Party (VPP) ka la jop marwei 17 tylli ki konstitwensi sha ka Khasi Hills Autonomous District Council ha ka jingpynbna mynta ka sngi ka 24 tarik Rymphang 2025.
Kine baroh kiba ka seng VPP jong ka shap u Prah ka la sei ia ki kyrtong thymmai ki bym pat ju jop elekshon bad ki don ki bym pat ju ialeh ruh.
Kane ka jingjop ka VPP haduh 17 ngut ka mut ba ka la lah ban thaw ia ka Executive Committee marwei ha KHADC kaba don 30 ngut ki MDC.
Ki konstitwensi kiba jop ka VPP ki long ka Nongkrem, Malki-Laitumkhrah, Jaiaw-Mawprem, Mawkhar-Pynthor, Pariong-Mawthadraishan, Nongstoin, Sohryngkham, Mawkynrew, Nongthymmai, Mawphlang-Diengiei, Mylliem, Mawlai, Mawkyrwat, Umroi, Umsning, Nongpoh, Mawhati, Lyngkyrdem-Laitkroh konstitwensi.
Ka UDP ka jop 5 ngut kynthup na Sohiong, Sohra, Langrin, Mairang bad na Shella katba ka NPP ka jop saw ngut kynthup na Mawsynram, Nongshken, Nongpoh bad na Jirang. Ka HSPDP ka jop iwei na Mawshynrut bad ar ngut ki kyrtong kiba jop na Laban bad na Rambrai-Jyrngam.
Peh u prah ha ki 17 tylli ki konstitwensi ka KHADC
