Shillong:U MDC ka Mawphlang-Diengïei konstitwensi uba ïakhun biang ïa kane ilekshon MDC kum u kyrtong jong ka seng National People’s Party (NPP), Bah Lamphrang Blah u la ong ba kum u MDC uba la shah jied haduh 4 sien u la pyndep ïa ka kamram da kaba treishitom hapoh KHADC ban wanrah ïa ki aiñ bad kumjuh hapoh ka konstitwensi na ka bynta ki kam pynroi.
Haba pan biang ïa ka jingkyrshan ha kane ka kynti u la kyrpad ïa ki paidbah ban ailad biang ïa u ha kane ka sien kaba 5. U la ong ba um kwah ban kynthoh ïano- ïano ha kane ka ilekshon, hynrei u tyrwa sha ki paidbah ba kin jied biang ïa u namar ba kum u MDC u khlem leit ban shu shong ha KHADC, da kaba kdew ruh ïa ki kam ba u la leh kum u MDC.
Khlem da kynthoh ïa kiwei, pan jingkyrshan biang u Bah Blah
