Shillong: Ka samoi ban jied ia ki nongmihkhmat sha ka Dorbar Dalariti ne ka District council kan long ha 21 tarik Rymphang 2025.
Ha Nongshken Constituency, ki don san ngut kynthup u bah Monarch Shabong na ka seng Congress, bah Anthony Kongwang na ka UDP, bah Ebren Khongthah na ka BJP, bah Manbha Thabah na ka VPP bad ka Kong Grace Mary Kharpuri na ka NPP.
Na ka sur kaba la ioh ban iakren bad ki paidbah, la pynpaw ba ha kane ka kynti, ki paidbah ka Nongshken ki thrang ban ioh noh da u MDC uba dei na ka thaiñ riwar lajong hadien ba la mih khmat ka Kong Grace la 16 snem haduh kane ka kynti.
Ha ka jingtwad jingmut u nonglum khubor na ki briew Jong ki shnong ba hap ha Nongshken Constituency, kila pynpaw ba ka jingtad dor ki mar rep kum u synsar , sla tyrpad, u kwai bad kiwei kiwei kiba la ktah jur ia ka kamai kajih jongki.
Kila pynpaw ba hadien ba kila duh jingkyrmen ha kine ki sngi, kila thrang ban phai khmat noh sha u para thaiñ lehse ba un kham sngewthuh kham bha ia ki jingeh ka thaiñ.
Kila takraiñ ruh ba ki paidbah ba Kim dei shuh ban beij ia ka jingshah thong ne ka bor pisa hynrei ki dei ban jied da ka jingkitkhlieh bad ka jingshemphang.
Sngap ia ka sur ki paidbah ka Nongshken ha MDC elekshon
