Shillong: U Secretary jong ka Dorbar Pyrkhat Kam Shad Lyngdoh ka Raid Shabong u bah Morningstar Khongthaw u la pyntip ba ka Shad Lyngdoh jong ka Raid Shabong kan long ha ka 12 tarik Rymphang 2025 ha madan shad ha Rangthylliang, Pynursla.
Ha ka kyrwoh u Secretary bah Morningstar Khongthaw u la ong ba katkum ka Riti, Dustur hapoh jong ka Raid Shabong, dei ban pyni sha ka Pyrthei ia ka shad rong (culture) kaba ju khot ha Raid Shabong ka “Shad Lyngdoh” bad mynta u snem yn pynlong ia ka Shad Lyngdoh haka 12 Tarik Bnai Rymphang, 2025 bad kan sdang naduh ka por 10 baje mynstep da ka shad hiar kjat ki nong Pynter, Raid Shabong kumba ju leh naduh ki Longshwa, Manshwa.
Kumta la khot la wer ia ki para doh para snam, ia ki khynhun ki balang bapher bapher ban wan ban ia shim bynta lang na ka bynta ban pynkhraw ia ka jait bynriew ba kyrpang kaba riewspah ha ki culture.
Kum shi bynta ban pynshai bniah ka jingleh Niam kan kut noh ha ka shiteng miet jong ka 11 tarik Nai Rymphang, 2025 bad ha ka 12 tarik Nai Rymphang, 2025, lah long ban ia shim bynta lang da baroh kat kiba don mynsiem na ka bynta ban pynpynpaw iala ka jong ka culture
12 tarik ka Shad Lyngdoh ka Raid Shabong
