Shillong: Ka sorkar jylla mynta ka sngi, ka la rai ban thaw ia ka Pla Tyngka Cooperative Society na ka bynta ban iarap bad kyrshan pisa hapdeng ki Self Help Group (SHG) bad ki Cooperative Society ha ka rukom kaba suk, kaba kloi bad kaba lait na ka jyrwit jyrwat.
Haba batai halor kane ka rai ka kynhun myntri mynta ka sngi, u myntri rangbah u Conrad K Sangma u la ong ba ki don 51,674 ki SHG, ki don 5201,77 lak tam ki dkhot ha ka jylla.
U la ong ba ka jingbei pisa sha ki SHG ka long T.1000 klur eiei ha ki kam ki jam sha nongkyndong lyngba ki SHG.
Haba batai ia kane ka sienjam ka sorkar, u myntri u la ong ba ka sorkar ka la rai mynta ban plie ia ka Cooperative Society ia ki kynthei ban ai jingiarap kaban ai kyrteng ka Pla Tyngka Cooperative Society kaban ai jingkyrshan ia ki SHG bad Cooperative Society, ha kaba kin kynshew bad nangne kin sa ioh ban sei biang ha jaka ba kin leit sha Bank sha ka sorkar, kaban buh bun ki jingkyllain.
Ia kane ka model la leh ha kiwei ki jylla kum ka Telangana, Rajasthan, Andra Pradesh bad ka Meghalaya kan dei ka jylla kaba saw ban leh ia kane.
Mynshwa, ka jingioh jingkyrshan pisa ki SHG, ki Cooperative Society ka kyllain bad jyrwit bha hynrei lyngba kane, kan pynsuk bad kan pynsted ban kyntiew ia ki.
Thaw ka sorkar da ka Pla Tyngka Cooperative Society ban pynsuk ia ki SHG
