Shillong: U Myntri Rangbah u Conrad K Sangma u la ong ba watla ki nonghikai ki ioh ka jinghikai ban hikai hynrei katkum ki kyndon kiba la buh ka sorkar India, kim pat kot bad kumba 40 percent ki don ha kane ka jylla.
U la ong ba kum ka nuksa, ka sorkar kam lah ban peit ia ki skul shimet ia ka rukom pyniaid ia ki skul, ki jingtbit ki nonghikai bad kiwei kiwei ki jingdonkam kumba la buh ka sorkar India.
U la ong ba ka sorkar ka la bud ia ki kyndon ka NCERT ha kaba ka la hap ban pynkylla ia ki sobjek kum ka jingkhein, saian, English ban iaryngkat ka rukom hikai ha ka ri.
Kine ki jingeh ba ka sorkar ka iakynduh ki dei kiba naduh ki snem kiba la leit haduh kine ki sngi bad ka sorkar ka dang thaw lad kumno ban pynbeit bad ban weng ia kine ki jingeh ha ka tnad pule puthi.
U la ong ba kam don ka kyndon kaba biang ban ai jingbit ban seng skul, ban pynrung kum ki Adhoc bad kiwei kiwei ki jingdonkam. Ban pynbeit ia kane, ka sorkar ka la thaw ia ka Education Commission ba kan ai jingmut ban pynbha ia ka pule puthi ha ka jylla.
Katkum ki kyndon ka sorkar India, 40 percent ki nonghikai bym pat tbit ban hikai
