Shillong: U Myntri Rangbah ka jylla u Conrad K Sangma ula ong ba ki don 206 ki skul ki bym don khynnah skul, ki don 2269 ki skul kiba don tang hapoh 10 ngut ki khynnah.
Nalor kine ki don 18 tylli ki Deficit bad Adhoc skul ki bym don khynnah skul, 1141 ki skul kiba don tang hapoh 10 ngut ki khynnah skul, ki don 30 tylli ki SSA skul ki bym don khynnah skul, 268 tylli ki skul SSA kiba don tang hapoh 10 ngut ki khynnah, ki don 11 tylli ki skul sorkar kiba khlem don khynnah skul, 132 tylli ki skul sorkar kiba don tang hapoh 10 ngut ki khynnah.
Haba kren mynta ha ka jingiakynduh bad ki nongthoh khubor, u Myntri Rangbah u la ong ba na ka bynta ki nonghikai jong ki skul shimet ka sorkar ka pyllut 917 klur tyngka, ia ki nonghikai skul sorkar ka pyllut 684 klur tyngka, ia ki nonghikai SSA skul ka pyllut 366 klur tyngka bad baroh ha ka shi snem ka jinglut ban siew tulop ka la kot sha ka 1967 klur tyngka. Ki don 14582 tylli ki skul ha ka jylla.
Ha kajuh ka por, u la iathuh ba ia ki college sorkar, ka sorkar ka pyllut 37.08 klur tyngka, ia ki 13 tylli ki college bym dei sorkar ka pyllut 179.6 klur tyngka bad baroh ka la kot sha ka 218.68 klur tyngka.
Na ki 14 hajar tam ki skul, 18 tylli ki Deficit & Adhoc, 30 ki SSA, 11 ki skul sorkar bym don khynnah skul
