Shillong: Ka Shillong All Faiths Forum (SAFF) kala pynpaw ia ka jingbym sngewtynnad halor ka jingkynnoh ka Kutumba Surakshya Parishad (KSP) na Assam, ba ka jingjia dang shen ha Mawkynrew ka dei ka jingleh bym burom ia kiwei ki niam.
Ha ka kyrwoh kaba la pyllait, u Vice President ka SAFF u bah Noor Nongrum u la ong ba ka SAFF kam pdiang satia ia kane ka Seng kaba pyni ia ka jingnang pynbitar ia ka jingjia Mawkynrew bad iapait iapra. U la ong ba kane ka seng ka la byrngem dang shen ban pakhang surok halor kawei pat ka kam ba iadei bad ka kam jngohkai ha Mawsynram.
U bah Noor ula ong ba kumba la sakhi na ki khubor, ka jingjia ha Mawkynrew kam dei kaba iadei niam bad ka long kaba bakla shibun ia ka KSP ban shu pynmut bad kynnoh ia ki paid Khristan ha kane ka rukom.
Ka SAFF ka kyntu ruh ia ki paidbah bad ia ki nongialam shnong jong ka thain Mawkynrew ban iatreilang bad ki bor ba dei khmih ha kaban pynbeit ia kane ka kam da ka jingiasngewthuh jingmut.
Pyrshah jur ki nongialam niam ba pynshit ka KSB na Assam halor ka jingjia ha Mawkynrew
