Shillong: U MDC ka BJP sha GHADC uba dei ruh u kyrtong MLA ha ka elekshon shiteng samoi na Gambegre, u Bernard R Marak u la ong ba ka jingshah rem ha ka elekshon, ka dei namar ba ki party kila shu kynthah da ki nia bym don nongrim ban ialam bakla.
Haba kren mynta ka sngi, u la ong ba kawei pat ka daw, ka dei namar ka jingjubor ka bor pisa kaba la pyndonkam da kiwei ki party khamtam kaba don ha ka bor.
U Bernard u la ong ba ka jingwan slem ka BJP ban sei kyrtong ka la pynsahdien namar ba baroh ki briew ki la dep pyniasoh bad kiwei ki party. U la ong ba hapdeng ka jingpynshai ka BJP, hynrei na ka jinglong duk ki briew, kila shah thied ha ka bor pisa bad ula ong ba ka jingkren bha kam don jingmut namar ba ki briew ki shah thied ha ka bor pisa.
Kaba donkam ka long ban pynduh ia ka jingduk, ban ai ka jingpule kaba bha, ka kamai kajih kaba biang khnang ba ki paidbah kin lait na kane ka jingshah ialam bakla.
Ba shah thied pisa ki paidbah, shah rem ka BJP ha Gambegre, ong u Bernard
