Shillong: U MDC ka BJP jong ka GHADC u Bernard R Marak u la ong ba kane ka sorkar ka lah ban kam ba ka jop ha ka jingdap 2 snem ban synshar hynrei ki kam pat lyngkrang.
Haba kren mynta ka sngi, u Bernard u la ong ba ki paidbah kim phoida eiei na kane ka jingdap ar snem kane ka sorkar ha kaba ki briew kim ioh ia ki iing, ka um bam um dih, ki mar ki mata ki kiew dor.
U la ong ba ki briew ha ka sorkar ki la kam ba ki jop hynrei ha ki paidbah ka long da kumwei pat bad u la ong ba ka BJP kan rah ia ki jingeh jong ki paidbah.
Ha kajuh ka por, u la ong ba ka Garo Hills ka sahdien ha ka liang ki kam pynroi ha ka pule puthi bad kumjuh ki thain Khasi bad Jaintia ruh ki iakynduh ia kijuh ki jingeh. U la kynnoh ba ha Garo Hills tang ki briew kiba don ha ka NPP, kiba ioh jingmyntoi katba kiwei ki shah niew bein.
U la ong ba ka skhim sam um ha iing ka Jal Jeevan Mission ruh ka long lyngkrang ha kaba ki longing kim ioh um.
Kane ka sorkar ka jop ha ka jingdap 2 snem hynrei ki kam khlem ler eiei: Bernard
