Shillong: Ka jingbym biang ki jaka ieng kali, ka la wanrah ka jingduh nong ia kiba buh dukan ha Sohrarim.
Ha ka jingshisha, da ki spah tylli ki kali ki ju mareh sha thain Sohra man ka sngi ban leit iaid kai ha kaba ka Sohrarim ka dei lynti bah ba ki ju iaid hynrei ki nongwankai kim shlan ban ieng namar ba kam biang ka jaka ieng kali wat haba ki kwah ban dih sha, ban bam ja bad ban leit peitkai ia ki jingitynnad ki lum ki wah.
U Sordar ka Sohrarim u bah Bosestarwel Diengdoh ula iathuh ba kumba long mynta ha kaba iadei bad ki dukan ha shnong, ki don bun kiba kwah ban seng dukan hynrei ka jingshem jingeh ka long ba ki kali ki shui aid beit namar ba kam don ka jaka jngohkai ba kin leit peitkai bad kawei ka jingbym biang ka jaka ieng kali.
“Ha kaba iadei bad ki dukan ki don bun kiba seng dukan hynrei ka shem jingeh ka long ba ki kali nongwankai ki iaid beit namar bym pat don ka jaka jngohkai, bad ka jingduh nong ruh ban buh kum ki Homestay, ki guest house”, la ong u Sordar.
Na ka jingbym don jaka ieng, iaid beit ki kali wankai ha Sohrarim
