Shillong: Hadien ba la mih ka jing ka jing iapra haka UCPF da ka jing mih noh u Bah MD Syiem ban pan ticket naka party Congress bad naka liang ka Congress ruh ka la pynbna ban ai ticket ia u MD. Syiem kum u kyrtong jong ka party ban iakhun hakane ka election MDC ban Wan na Umroi Constituency .
Lah ban shu pynkynmaw ba naka liang ka Umroi Constituency progressive Forom ka la rai ban ai lad ia u bah M.D.Syiem ban iakhun hakane ka election kum u kyrtong shimet hakane ka kynti ha ryngkat da ka jing kyrshan lang u Bah George. B .Lyngdoh bad ki nongkyrshan jong u. Hynrei tang khyndiat sngi na ka liang u Bah M.D.Syiem u la shet kylla pynban da kaba leit pyniasoh bad pan ticket ialade naka Congress bad kaba u la ioh ruh.
Mynta ka sngi naka liang u Bah George bad ki Nongkyrshan jong u ki la lum kyrkieh iaka jing ialang ban pyrkhat naka bynta ban sei iala u kyrtong bad iakhun beit naka party shimet hapoh ka shatri jong ka UDF hadien ba la ia pyrkhat bha naka liang ka Umroi Democratic Front ka la rai ban kyrshan biang ia u Bah George u MLA barim ka umroi hakane ka election MDC ba mynta namar kim shaniah shuh iakino kino ki seng namar ladon tang ka jing shukor suda.
Hakane ka jing ialang la sakhi ruh ba u Bah Albinus Lyngdoh u ba dei u MDC barim bad u nongialam jong ka Congress u ba la rim bha bad ua la la dep pynkhreh ruh ialade ban aireng naka party Congress ha ne u snem, phewse ka Congress ka la ai pynban iaka ticket sha u briew u ba dang shu wan rung dang mynno, kadei halor kane kadaw naka liang ka jong u bad baroh ki nongkyrshan jong u ki la rai ban ai ka jing kyrshan ban pynjop noh ia u Bah George Lyngdoh.
Yn iakhun hi u Bah George B .Lyngdoh kum u kyrtong shimet na Umroi Constituency
