Shillong: Mynta ka sngi ka Congress kala pyllong ia ka jingkitbok bad duwai ia ki 26 ngut ki kyrtong kiban iakhun ia ka elekshon MDC sha ka KHADC.
Ia kane ka jingkitbok la pyllong ha Congress Bhavan, Shillong.
Nalor ki kyrtong, la don lang u President ka MPCC u bah Vincent H Pala, uba peit ia ka AICC u Chellema Kumar, bah Pynshngain N Syiem bad kiwei.
Haba kren ha kane ka jingialang kitbok, u Bah Pala ula kyntu ia kito kiba ioh ticket ba kin trei shitom bad kito ki bym ioh ba kin ai ka jingiatreilang.
Kitbok ka Congress ia kiba iakhun MDC ban poi sha ka thong
