Kwah ki nongpeitkai ban don sa u anaconda, u Gorilla ha Zoo Umtrew

Shillong: Watla ka jingshna ia ka State Zoo ha Umtrew, Ri-Bhoi kam pat da dep janai bha, hynrei ka sorkar ka la plie paidbah ha u bnai ba la dep.
La iohi ba ki jingshna ki dang iaid ha kiba bun ki bynta bad la set ia ki mrad tang ia ki katto katne, kum ki shrieh, dngiem, myrsiang, khla, ki skei, ki khiat. Kiba bun ki briew kila leit ban peitkai ia ki mrad kiba la set ha katei ka jaka namar ba ka sorkar ka dang pyllait ei khlem pat khrong.
Ki nongpeitkai kila kwah ba don bad iohi shibun ki mrad ha katei ka Zoo jong ka sorkar jylla. Ki kwah ban don sa kum u bsein anaconda, u shrieh Gorilla, Kuratia bad kiwei kiba kham itriem ban peit.
Kane ka State Zoo ka iar 72 hectare ka jaka bad la sdang shna naduh u snem 2001.